लाइभ खबर

तिलगंगा आखाँ अस्पताल काठमाडौ र चौदण्डीगढी नगरपालिकाको आयोजनामा यहि पुस ९ गते शनिवारदेखी एक हप्तासम्म नगरको बिभिन्न स्वास्थ्य केन्द्रमा मोतिबिन्दु छनौट आँखा शिविर संचालन हुने भएको छ । आँखामा मोतिबिन्दु देखिएका विरामीहरुलाई बिशेषज्ञ डाक्टरहरुको टोलीले बेल्टार बजारस्थित कोभिड अस्पतालमा निशुल्क मोति बिन्दुको अपरेशन गरिने चौदण्डीगढी नगरपालिकाका कार्यबाहक वडा अध्यक्ष लुंगाराज राईले जानकारी दिएका छन् । राईले पुस ९ गते स्वास्थ्य चौकी चौदण्डी, पुस १० गते स्वास्थ्य चौकी बसहा, पुष ११ गते स्वास्थ्य चौकी सिद्धिपुर , पुष १२ गते स्वास्थ्य चौकी हडिया, पुष १३ गते स्वास्थ्य चौकी सुन्दरपुर र पुष १४ गते नगर अस्पताल बेल्टारमा शिविर संचालन हुने कार्यक्रम रहेको बताएका छन् । यस्तै यहि पुस १५ र १६ गते कोभिड अस्पताल बेल्टारमा मोति बिन्दुको निशुल्क अपरेशन गरिने राईले बताएका छन् ।...

चौदण्डीगढी नगरपालिकाका राजनीतिक सल्लाहकार समितिका संयोजक शम्भु पौडेलले राजीनामा दिएका छन् । राजीनामा पत्रमा संयोजक पौडेलले राजनीतिक सल्लाहकार समितिको मर्यादालाई ख्याल नगरी नगरपालिकाका बिकास निमार्ण लगायत अन्य निर्णयहरु गर्दा कुनै सल्लाह नगर्ने र आफु अनुकुल निर्णय कार्यान्वयन गराउने प्रवृती देखिएको जनाउदै जिम्मेवारी बहन गर्न नसक्ने भएकाले स्वेच्छाले राजीनामा पेश गरेको जनाएका छन् । तर चौदण्डीगढी नगरपालिकाका मेयर कालुमान लामाले नगरपालिकाको वोर्ड बैठकले नयाँ जनप्रतिनीधिहरु निर्वाचित भएर आएपछि जनप्रतिनीधिहरुलाई सघाउनका लागि बिभिन्न समितिहरु गठन गरिएको तर राजनीतिक सल्लाहकार समितिका संयोजक पौडेलले समितीको छुट्टै कार्यकक्ष हुनुपर्ने तथा सेवा सुबिधा पनि नगरपालिकाले उपलब्ध गराउनुपर्ने माग गरेपछि समस्या देखिएको बताएका छन् । नगर प्रमुख लामाले समितीहरु सल्लाह लिनको लागि मात्र गठन गरिएको र नगरपालिकाले त...

उदयपुरको चौदण्डीगढी नगरपालिका वडा नम्बर ७ ले वडामा बसोबास गरिरहेका अति विपन्न, गरीव, दलित, एकल महिला र अपाङ्गता भएका १०० घर परिवारको वडाबाट निशुल्क स्थास्थ्य विमा गरिदिने बताएको छ । वडा कार्यालयले आज एक सुचना जारी गरी वडा नम्बर ७ अन्तर्गत पर्ने १९ वटै टोल बिकास संस्थाहरुलाई टोल बिकास संस्था क्षेत्रभित्र बसोबास गर्ने अति विपन्न, गरीव, दलित, एकल महिला र अपाङ्गता भएकाहरुको विवरण सात दिनभित्र उपलब्ध गराईदिन आग्रह गरेको छ । गत बैशाख ३० गते सम्पन्न स्थानीय तह निर्वाचनबाट वडामा नयाँ जनप्रतिनीधि आएपछिको पहिलो बैठकबाट वडाको खर्चमा १०० घर परिवारको निशुल्क स्थास्थ्य विमा गर्ने निर्णय गरेको र सोही अनुसार बिपन्न नागरिक स्वास्थ्य विमाका लागि तीन लाख पचास हजार छुट्याएर कार्यक्रम अगाडी बढाएको वडा अध्यक्ष केशव अधिकारीले जानकारी दिएका छन् । यस्तै ५ जनाको परिवारको लागि ३५ सय रुपैयाँमा एक लाख बराबरको स्वास्थ्...