लाइभ खबर

थप ४५ जनालाई अपांङ्गता परिचय–पत्र प्रदान गर्दै चौदण्डीगढीमा ४ दिने अपाङ्गता परिचय–पत्र वितरण शिविर सम्पन्न भएको छ । चौदण्डीगढी नगरपालिका, कोशी प्रदेश सरकार र करूणा फाउण्डेसन नेपालको त्रीपक्षीय लागत साझेदारी तथा राष्ट्रिय अपाङ्ग महासंघको प्राविधिक सहयोगमा अपाङ्गता रोकथाम तथा पुनःस्थापना कार्यक्रम अन्तर्गत अपाङ्गता भएका व्यक्तिहरुको स्वास्थ्य परिक्षण, परिचयपत्र वितरण तथा आवश्यकता पहिचानका लागि नगरको वडा नम्बर १,४,८ र ९ मा संचालन भएको शिविरमा २१ जना महिला र २४ जना पुरुषगरी ४५ जनाले अपांङ्गता परिचय–पत्र पाप्त गरेको नगर सामाजिक शाखा प्रमुख नवराज वरालले जानकारी दिएका छन् । परिचय पत्र प्राप्त गर्नेहरुमा १० जना वालवालिका पनि रहेका छन् । उनीहरुमध्ये ३ जनाले रातो, १४ जनाले निलो, ७ जनाले पहेलो र २१ जनाले सेतो कार्ड प्राप्त गरेको सामाजिक शाखा प्रमुख वरालले बताएका छन । अपाङ्गता रोकथाम तथा पुनःस्थ...

अलपत्र भवन निर्माण सम्पन्न भएसंगै ज्योति जनता बहुमुखी क्याम्पसको पुस्तकालय संचालनमा आएको छ । चौदण्डीगढी नगरपालिकाले अलपत्र अबस्थामा रहेको भवन निर्माण सम्पन्नताका लागि ३ लाख रुपियाँ लगानी गरेपछि पुस्तकालय संचालनमा आएको हो । केही समय अघि नै संचालनमा आएको पुस्तकालयको तत्कालीन प्रदेश नम्बर १ सभाकी सदस्य अम्बिका थापा र चौदण्दीगढी नगरपालिकाका नगर प्रमुख कालुमान लामाले आज एक कार्यक्रमकोबिच संयुक्तरुपमा उद्घाटन गरेका छन् । तत्कालीन प्रदेश नम्बर १ सभा सदस्य थापाले आर्थिक बर्ष २०७७/०७८मा संसदीय बिकास कोषबाट ७ लाख रुपैयाँ बिनियोजन गरेपछि पुस्तकालय भवनको निर्माण शुरु भएको थियो । भवन निर्माणका लागि वडा नम्बर ६ ले १ लाख रुपैयाँ लगानी गरेको थियो भने अलपत्र भवन निर्माण सम्पन्नताका लागि नगरपालिकाले ३ लाख रुपैयाँँ सहयोग गरेको थियो । पुस्तकालय उद्घाटन कार्यक्रमलाई सम्बोधन गर्दै तत्कालीन प्रदेश सभा सदस्य ...

नगरबासीलाई प्राकृतिक चिकित्सा तथा आयुर्वेदिक उपचार उपलब्ध गराउन चौदण्दीगढी नगरपालिकाले नागरिक आरोग्य केन्द्रको स्थापना गरेको छ । वडा नम्बर ९ हडियास्थित स्वास्थ्य चौकी हडियाको भवनमा केन्द्रको स्थापना गरी प्रारम्भिक उपचार सेवा शुरु गरेको नगर स्थास्थ्य शाखाका उप प्रमुख हिमालय पौडेलले जानकारी दिएका छन् । नगरप्रमुख कालुमान लामाले आज एक कार्यक्रमको बिच केन्द्रको उद्घाटन गरेका छन् । केन्द्रको उद्घाटन गर्दै नगर प्रमुख लामाले युरोप अमेरिका लगायतका बिकशित देशहरुमा समेत आयुर्वेदिक उपचार पदतीप्रति आकर्षण बढीरहेको जिकिर गर्दै आरोग्यता जीवनपदती बन्नुपर्ने धाराणा राखेका छन । नगर स्वास्थ्य शाखामा उप प्रमुख हिमालय पौडेलले नगरपालिकाले आयुर्वेदिक उपचारको शुरूवात पहिलो पटक गरेको बताउदै केन्द्र संचालनमा शुरुमा कठिनाई भए पनि आगामी आर्थिक बर्षबाट केन्द्रलाई आबस्यक श्रोत उपलब्ध गराई सुबिधासम्पन्न गराउ...

उदयपुरको चौदण्डीगढी नगरपालिका वडा नम्बर ५ सुन्दरपुरमा सम्पन्न तेस्रो उपमेयर कप कोशी प्रदेश स्त्तरीय ब्याडमिन्टन प्रतियोगिता सम्पन्न भएको छ । विभिन्न ८ वटा बिद्यामा भएको प्रतियोगिता आज सोमबार सम्पन्न भएको हो । प्रतियोगिता अन्तर्गत आज भएको कोशी प्रदेश स्त्तरीय मेन्स डवल्सको उपाधी सशस्त्र प्रहरीको टिमले जितेको छ । सुन्दरपुर ब्याडमिन्टन क्लबका विनय चौधरी र मोरङ्गका लाक्पा शेर्पाको जोडीलाई २१–१९ र २१–१६ को सोझो सेटमा सशस्त्रका भोज बहादुर गुरुङ्ग र प्रनिस सिंह ठकुरीको जोडीले पराजित गर्दै उपाधीमाथी कब्जा जमाएको हो । त्यस्तै मिक्स डवल्सको उपाधी पनि सशस्त्र प्रहरीको भोज बहादुर गुरुङ्ग र नवीना राईको जोडीले हात पारेको छ । सुन्दरपुर ब्याडमिन्टन क्लबका विनय चौधरी र उदयपुरकी रोजी राईको जोडीलाई २३–२१ र २१–१६ को सोझो सेटमा पराजित गर्दै उपाधी हात पारेको हो । आज नै भएको ४५ बर्षभन्दामाथीको भेट्रान्सतर्फको खे...

नेपाल ह्याण्डवल संघको केन्द्रीय उपाध्यक्षमा चौदण्डीगढीका ज्ञानेन्द्र प्रधान निर्विरोध निर्वाचित भएका छन् । पोखरामा आज विहिवार सम्पन्न संघको महाधिबेशनले चौदण्डीगढीका प्रधानलाई केन्द्रीय उपाध्यक्ष र तस्वीरा तामाङ्गलाई केन्द्रीय कोषाध्यक्षमा निर्विरोध निर्वाचित गरेको जिल्ला ह्याण्डवल संघ उदयपुरका अध्यक्ष विदुर राईले जानकारी दिएका छन् । वडा नम्बर ६ बेल्टारका प्रधान र वडा नम्बर ४ शनिवारेकी तामाङ्ग लामो समयदेखी खेलकुद गतिविधीका साथै समाजसेवामा संलग्न छन् । लामो समयदेखी निर्वाचन हुन नसकिरहेको संघ आज सम्पन्न केन्द्रीय महाधिबेशनले आगामी ४ वर्षका लागि पिताम्बर तिमिल्सिनाको नेतृत्वमा २१ सदस्यीय नयाँ कार्यसमिति निर्विरोध निर्वाचित गरेको हो । प्रधानसंगै उपाध्यक्षहरूमा प्रधान मिठाराम अधिकारी र हिमालकुमार श्रेष्ठ पनि निर्वाचित भएका छन् । यसैगरी महासचिवमा केशव पाठक, सचिवमा महेन्द्रबहादुर पुन निर्विर...

चौदण्डीगढी नगरपालिकाको वडा नम्बर ३ कुसुमचौरीका थप ३ दर्जन ब्यक्तिहरु कांग्रेस, माओवादी लगायतका पार्टी परित्याग गरी एमालेमा प्रबेश गरेका छन् । नेकपा एमाले ३ नम्बर वडा कमिटीको आयोजना आज बुधवार कुसुमचौरीमा भएको भेटघाट तथा पार्टी प्रबेश कार्यक्रममा उनीहरु एमाले प्रबेश गरेका हुन् । एमाले प्रबेश गर्नेहरुमा आफुलाई जेनजी भन्न रुचाउने आधा दर्जन युवाहरु समेत रहेका छन् । एमाले कोशी प्रदेश कमिटी सदस्य तथा एमाले नगर ईन्चार्ज कान्ता राईको प्रमुख आथित्यता तथा वडा कमिटी अध्यक्ष शम्भु तामाङ्गको अध्यक्षतामा भएको कार्यक्रममा पार्टी प्रबेश गर्नेहरुले एमालेले विकास गर्ने बताउदै एमाले पार्टी प्रबेश गरेका बताएका छन् । आफ्नो ठाँउको विकास निमार्ण आफुहरुको प्राथमिकतामा रहेको जनाउदै स्थानीय युवा विरेन्द्र खड्काले झण्डै १० बर्षदेखी गाँउमा विजुलीको पोल गाडिएको भएपनि तार नभएको कारण गाँउमा विजुली नभएर समस्यामा रहेको उधा...

दि गोर्खा वेलफेयर ट्रष्ट नेपालको आर्थिक सहयोगमा उदयपुरको चौदण्डीगढी नगरपालिका वडा नम्बर १ गडन्तास्थित श्री माध्यमिक बिद्यालयमा ३ कोठे पक्की भवन निमार्ण हुने भएको छ । कुल २८ लाख २ हजार २ सय ३८ रुपैयाँको लागतमा निमार्ण हुने भवनको आज विहिवार नगर प्रमुख कालुमान लामाले शिलान्यास गरेका छन् । विद्यालय परिसरमा निमार्ण हुने भवनको नगर प्रमुख लामाले शिलान्यास गरेका हुन् । ट्रष्टको २४ लाख ७५ हजार रुपैयाँ आर्थिक सहयोग र जनश्रमदान ३ लाख २७ हजार ३ सय ३८ रुपैयाँगरी कुल २८ लाख २ हजार २ सय ३८ रुपैयाँको लागतमा ईटाको गाह्रो र जस्ताको छानो भएको ३ कोठे पक्की भवन निमार्ण गरिने विद्यालयका प्रधानाध्यापक बाबुराम तामाङ्गले जानकारी दिएका छन् । भवन शिलान्यास तथा पुरुस्कार वितरण कार्यक्रमलाई सम्बोधन गर्दै नगर प्रमुख लामाले शिक्षा क्षेत्र नगरपालिकाको प्राथमिकतामा रहेको बताउदै नगरपालिकाले शिक्षक दरवन्दी तथा बिद्यालयको भ...

तेस्रो चौदण्डीगढी जिल्ला स्त्तरीय ब्याडमिन्टन प्रतियोगिता सम्पन्न भएको छ । उदयपुरको चौदण्डीगढी नगरपालिका बेल्टार बजारस्थित समाबेशी कवर्ड हलमा आज आईतवार प्रतियोगिता अन्तर्गत भएका फाईनल खेलहरु सम्पन्न भएसंगै प्रतियोगिता सम्पन्न भएको हो । गत कार्तिक २१ गतेबाट शुरु भएको प्रतियोगिता आज सम्पन्न भएको हो । प्रतियोगिता अन्तर्गत कार्तिक २१ र २२ गते दुई दिन १५ बर्ष मुनीका पूरुष तथा महिला खेलाडीका खेल र कार्तिक २८ र २९ तथा ३० गते वि डिभिजन जिल्ला स्त्तरीय पुरुष डवल्स्, महिला डवल्स् र ४५ बर्षभन्दा माथीका भेट्रान्स डवल्स्का खेलहरु भएका छन् । चौदण्डीगढी नगरपालिकाको सहयोग र बेल्टार व्याडमिन्टन क्लबको आयोजनामा आज सम्पन्न प्रतियोगिता अन्तर्गत वि डिभिजन जिल्ला स्त्तरीय पुरुष डवल्स्को उपाधी रामपुरका नेपालधन राई र जैयन राईको जोडीले जितेको छ । फाईनलमा बसहाका आदिप मगर र सौरभ राईको जोडीलाई २१–१७÷२१–२३ र १६–२१ के...

उदयपुरको चौदण्डीगढी नगरपालिकामा खोरेत रोगविरुद्धको खोप प्रभावकारीरुपमा संचालन गरिने भएको छ । नगर प्रमुख कालुमान लामाले बेल्टार बजारस्थित पशु सेवा कार्यालयमा आज विहान आयोजित खोरेत रोगविरुद्धको निःशुल्क खोप शुभारम्भ कार्यक्रममा भ्याक्सिन लगायतका लजेस्टिक सामाग्री हस्तान्तरण गर्दै खोरेत रोगविरुद्धको खोप प्रभावकारीरुपमा संचालन गर्न निर्देशन दिएका हुन् । पशुपालक किसानहरुलाई ब्यबसायिकरुपमा अगाडी बढाउन र नगरपालिकालाई दुधजन्य तथा मासुजन्य पदार्थमा आत्मनिर्भर बनाउनका लागि सहयोग गरिरहेको जनाउदै लामाले स्वस्थ्य उत्पादनमा जोड दिन निःशुल्क खोप अभियान संचालन गरिएको जनाएका छन् । चौदण्डीगढी नगरपालिकाले यस बर्ष १५ हजार गाईभैसीहरुमा खोरेत रोग विरुद्धको निःशुल्क खोप लगाउने तयारी गरेको छ । यसै सन्दर्भमा नगरपालिकाको १० वटै वडाहरुलाई समेटेर तयार गरिएको अभियानका लागि नगर प्रमुख लामाले भेटेनरी प्राविधिकहरुलाई भ्...

उदयपुरका प्रमुख जिल्ला अधिकारी धर्मराज जोशीले सुरक्षा निकायको मनोवल बढाउन जरुरी रहेको बताएका छन् । चौदण्डीगढी नगरपालिकाको बेल्टार बजारस्थित नेवाः भवनमा आज सम्पन्न नेपाल पूर्व प्रहरी संगठन नगर कार्य समिति चौदण्डीगढीको प्रथम सम्मेलनलाई सम्बोधन गर्दै प्रमुख जिल्ला अधिकारी जोशीले सुरक्षा निकायको मनोवल नबढाएमा सुरक्षा चुनौती थपिने जिकिर गरेका छन् । जेनजी आन्दोलनको समयमा सार्वजनिक र नीजि सम्पतिमाथी भएको आगजनी तथा अराजक गतिविधीको प्रसंग जोड्दै प्रजिअ जोशीले सो कुरा बताएका हुन् । उनले राज्यले गरेको राम्रो कामको चर्चा नहुने तर सानोतिनो कमजोरी खोजेर अराजकता फैलाउने गतिबिधीप्रति सचेत गराएका थिए । प्रजिअ जोशीले समाजमा सकरात्मक सन्देश दिने किसिमका कार्यहरुमा सहकार्य गर्न आग्रह समेत गरेका थिए । पूर्व प्रहरीहरुको जनसम्पर्क राम्रो हुने गरेको उल्लेख गर्दै पूर्व प्रहरीहरुलाई समाजमा देखिएका गलत गतिविधीहरुको ...