बेल्टार बजारबाट निस्किने फोहरमैलाको उचित ब्यबस्थापन गर्न माग ।
उदयपुरको चौदण्डीगढी नगरपालिकाको बेल्टार बजारबाट निस्किने फोहरमैलाको उचित ब्यबस्थापन हुननसक्दा स्थानीयबासी पिडित बनेका छन् । नगरपालिकाले बैकल्पिक स्थानको खोजी नगरी बस्ती छेउमा फोहर बिसर्जन गर्ने गरेको प्रती त्यसक्षेत्रका स्थानीयबासीले बिरोध जनाउदै आएका छन् । नगरले बस्ती नजिक रहेको वडा नम्बर ६ को आपँखहरे सामुदायिक वन क्षेत्रमा बजारबाट निस्किने फोहर फाल्ने गरेको छ । फोहोर व्यवस्थापन सम्बन्धी पटकपटक बुझाइएको ध्यानाकर्षण पत्रलाई बेवास्ता गरेको भन्दै स्थानीय सरोकारवालाहरुले हिजो स्थानीय युवा समाजसेवी विदुर राईको संयोजकत्वमा ४५ सदस्यीय संघर्ष समिति गठन गरेको छ । साविकको वडा नम्बर २ को ७ वटै टोल बिकास समिति र वगरकोट टोल विकास समितिका आम जनता भेला भई संघर्ष समिति गठन गरिएको जनाइएको छ । विधिसम्मत आफ्नो समस्याहरु वडा र नगरपालिकामा राख्दा समेत त्यसको सुनुवाई नभएको भन्दै उनीहरुले समिति बनाएरै सो क्षेत्...
