स्थानीय

चौदण्डीगढी साईकल सिटीको आयोजनामा पहिलो पटक कोरा साईक्लिङ्ग च्यालेन्ज हुने भएको छ । माई कोरा च्यालेन्ज अन्तर्गत चौदण्डीगढी कोरा २०२५ साउन ३ गते हुने चौदण्डीगढी साईकल सिटीका अध्यक्ष अनिल पौडेलले जानकारी दिएका छन् । साइक्लिङ्गलाई खेलको रुपमा विकास गर्ने, साईक्लिङ संस्कृतिको प्रवर्धन गर्ने, स्वास्थ जीवनशैली र वातावरण संरक्षणको सन्देश दिन कोरा च्यालेन्ज आयोजना गरिएको अध्यक्ष पौडेलले बताएका छन् । चौदण्डीगढी नगरपालिकाको वडा नम्बर ६ बेल्टार बजारस्थित पुष्पलाल चौकबाट शुरु गरी बेल्टार–धप्पर, माडिबास, गंगटे, यस्तै वेलका नगरपालिकाको सुपाडे, चौदण्डीगढी नगरपालिको शनिवारे हुदै वेलका नगरपालिकाको आम्बासी, त्यसैगरी सप्तकोशी नगरपालिकाको फत्तेपुर हुदै चौदण्डीगढी नगरपालिकाको सुन्दरपुर, सिवाई, अजगडा, हडिया, ज्यामिरे हुदै बेल्टारस्थित बसपार्कमा पुगेर समापन गरिने जनाइएको छ । यस दौरान ५०.५ किलोमिटर यात्रा तय गरिने...

राष्ट्रिय युवा संघ नेपाल चौदण्डीगढी नगर कमिटि उदयपुरले वडा नम्बर ६ को विभिन्न स्थानमा वृक्षारोपण गरेको छ । हरियाली हाम्रो पहिचान ,वृक्षारोपण हाम्रो अभियान ! भन्ने नाराको साथ युवा संघका निवर्तमान कोषाध्यक्ष राकेश राईको अगुवाईमा चौदण्डीगढीका युवाहरुले वडा नम्बर ६ सिर्वानीस्थित हलेश्वरमहादेव मन्दिर परिसर, बालबिकास केन्द्र र कालि पोखरी वरिपरी वृक्षारोपण गरेको युवा संघ नेपाल चौदण्डीगढी नगर कमिटि अध्यक्ष भुवन राईले जानकारी दिएका छन् । राईले कागती , मेवा, अमला, टाकी, हर्रो र तेजपत्ताका एक सय थान विरुवा रोपिएको  बताएका छन् । वृक्षारोपण कार्यक्रममा वडा नम्बर ६ का वडा अध्यक्ष अम्बर बहादुर खड्का, वडा सदस्य कमल कार्की, एमाले उदयपुर जिल्ला कमिटी सदस्य भिम परियार लगायत पनि सहभागी थिए ।  युवा संघ चौदण्डीगढीले गत बर्ष पनि वडा नम्बर ४ मकमडाँडामा वृक्षारोपण गरेको थियो । रोपिएका केही विरुवाहरु हुर्किएको ...

नेकपा एमाले चौदण्डीगढीमा थप ३८ जना विभिन पार्टी परित्याग गरी प्रबेश गरेका छन् । बेल्टार बजारस्थित नेकपा एमाले पार्टी कार्यालयमा आज भएको पार्टी प्रबेश कार्यक्रममा कांग्रेस, जसपा, रास्वपा लगायतका पार्टी परित्यागगरी उनीहरु एमालेमा प्रबेश गरेको नेकपा एमाले चौदण्डीगढीका नगर अध्यक्ष विकास बन्जराले जानकारी दिएका छन् । यो समेत चौदण्डीगढीमा विभिन्न पार्टी परित्याग गरेर एमाले प्रबेश गर्नेको संख्या ६ सयभन्दा बढी भएको नगर अध्यक्ष बन्जराले बताएका छन् । आज पार्टी प्रबेश गर्नेहरुमा अधिकांश मगर समुदायका रहेका छन् । एमाले उदयपुर जिल्ला सदस्य डिल्ली मगर, मगर संघ चौदण्डीगढीका नगर अध्यक्ष चित्र केप्छाकी मगर लगायतको पहलमा उनीहरु एमालेमा प्रबेश गरेको बुझिएको छ । नगरमा एमाले नेतृत्वको सरकार बनेपछि मगर समुदायको धार्मिक, सांस्कृतिक कुराहरुको संरक्षण तथा विकासमा नगरपालिकाले सहयोग पुर्याउदै आएको छ । आज पार्टी प्...

उदयपुरको चौदण्डीगढी नगरपालिकाले आर्थिक बर्ष २०८१/०८२ को आय ब्यय विवरण सार्वजनिक गरेको छ । प्रमुख प्रशासकिय अधिकृत काजीमान राई तथा आर्थिक प्रशासन शाखा प्रमुख महेश रानामगरद्वारा आज जारी गरिएको सुचनामा स्थानीय सरकार संचालन ऐन २०७४ को दफा ७६ को उपदफा ४ बमोजिम नगर कार्यपालिकाको आर्थिक बर्ष २०८१/०८२ को आयब्यय विवरण सार्वजनिक गरिएको उल्लेख छ । नगरपालिकाले सार्वजनिक गरेको आयब्यय विवरण अनुसार २०८१ साल श्रावन १ गतेदेखी २०८२ साल असार मसान्तसम्म बार्षिक बजेट ८१ करोड ९५ लाख, ७९ हजार ६ सय ६० रुपैयाँमध्ये ७२ करोड ७३ लाख ४६ हजार ५ सय ७७ रुपैयाँ अतार्थ ९१.७९ प्रतिशत वजेट खर्च भएको छ । चालुतर्फ ५९ करोड ३८ लाख ५४ हजार ३ सय ९६ रुपैयाँ विनियोजन भएकोमा ५३ करोड ९१ लाख २७ हजार ७ सय ९४ रुपैयाँ अतार्थ ९३.२२ प्रतिशत खर्च भएको छ भने पुँजीगततर्फ २२ करोड ५७ लाख २५ हजार २ सय ६४ रुपैयाँ विनियोजन भएकोमा १८ करोड ८२ लाख...

उदयपुरको चौदण्डीगढी नगरपालिकामा अब्यबस्थित बसोबासीहरुको ऐलानी जग्गा भोगपुष्टी गर्नका लागि स्थलगत सर्जमिन गर्ने कार्य शुरु भएको छ । विगतका आयोग समिति र कार्यदलका बाँकी काम सम्पन्न गर्ने सम्बन्धी कार्यविधि २०८१ को परिच्छेद २ को बाँकी काम सम्पन्न गराउने सम्बन्धी उपदफा ३ बाँकी कामको पहिचान अन्तर्गत क देखि द सम्म १८ किसिमका समस्या रहेका जग्गाहरूको हकमा यसअघि निवेदन दिई जिल्ला समितिबाट हकदाबीको ३५ दिने सूचना समेत प्रकाशन भइसकेको बताउदै भुमी सेवा केन्द्र ( भुमी शाखा ) चौदण्डीगढीका प्रमुख यग्यराज श्रेष्ठले तिनै निवेदनहरूको आधारमा वडा ४ बसहामा भोग सम्बन्धी पुष्टि गर्नका लागि स्थलगत सर्जमिन गर्न सुरु गरिएको जानकारी दिएका छन् । जसअन्तर्गत किराँत करमजे, भितेली टोल, मकम डाँडा, तीन दोभाने, अमल चौरी टोल विकास संस्था भित्रको जग्गाहरुको भोगपुष्टी सर्जमिन गर्ने सम्पन्न गरिसकेको अब बरपानी, मगर डाँडा हुँदै अग...

उदयपुरका सुनचाँदी व्यवसायीहरु सुनमा सरकारले लगाएको विलासिता कर लगायतका अन्य कर खारेजीको माग गर्दै निरन्तर आन्दोलिनमा छन् । आज उदयपुर सदरमुकाम गाईघाटमा सिठी जुलुससहित र्याली गरेका उनीहरुले पिपलबोटमा पुगेर कोण सभाको आयोजना गरेका छन् । सुनमा लगाईएको २ प्रतिशत विलासिता कर र बहुमुल्य हिरा पत्थरमा १३ प्रतिशत भ्याट खारेज गनुपर्ने, सुनको भन्सार ६ प्रतिशत कायम गनुपर्ने, सुनचाँदीको कारोवारको लागि प्रष्ट नीति नियामावली निर्माण गर्नुपर्ने लगायतका माग राखी उनीहरुले उदयपुरका ब्यापारिक केन्द्रहरु गाईघाट, बेल्टार, कटारी र रामपुर बजारमा नियमित जस्तै आन्दोलनका कार्यक्रम गर्दै आएका छन् । सोही क्रममा हिजो विहिवार चौदण्डीगढी नगरपालिकाको बेल्टार बजारमा र्यालीसहित विरोध प्रदर्शन गर्दै कोण सभा गरेका थिए । त्यसअघि गत जेठ २९ गते जिल्ला प्रशासन कार्यालय उदयपुरमा सरकारले सुनचाँदीमा लगाएको कर विरुद्ध ज्ञापनपत्र...

उदयपुरको चौदण्डीगढी नगरपालिकामा १० बर्षे शिक्षा योजना तथा स्थानीय पाठ्यक्रम विमोचन गरिएको छ । बेल्टार बजारस्थित नगरपालिकाको सभाहलमा आज आयोजित कार्यक्रममा कोशी प्रदेशका उपसभामुख सृजना दनुवार, चौदण्डीगढी नगरपालिकाका नगर प्रमुख कालुमान लामा, उप प्रमुख मणिकादेवी दुलालले संयुक्तरुपमा विमोचन गरेका हुन् । चौदण्डीगढी नगरपालिकाले नगरपालिकाको शिक्षा क्षेत्र सुधारका लागि १० बर्षे रणनीतिक योजना निमार्णका लागि नगर शिक्षा शाखा प्रमुख रामेश्वर कुवँरको संयोजकत्वमा १३ सदस्य योजना निमार्ण समिति गठन गरेको थियो । समितिका सदस्यहरुमा नगर शिक्षा शाखा अधिकृत सुरज कुमार कार्की, ज्योति मावि बेल्टारका प्रअ राजकुमार ओझा, नारद आदर्श मावी बसहाका प्रअ कविराज तामाङ्ग, सरस्वती मावी सिद्धिपुरका प्रअ रित बहादुर मगर, जनता मावी लुङ्गिन्टारका प्रअ पदम तामाङ्ग, सिवाई मावी सिवाईका प्रअ दिनेश ढुंङ्गाना, जनता मावी हडियाका प्रअ...

एसईई परिक्षाको नतिजामा उदयपुरको चौदण्डीगढी नगरपालिकाको रिजल्टमा उल्लेख्य सुधार देखिएको छ । गत शुक्रवार प्रकाशित माध्यमिक शिक्षा परीक्षा कक्षा १० एसईई २०८१ को नतिजामा चौदण्डीगढी नगरपालिकामा समग्रमा ७६.५८ प्रतिशत बिद्यार्थी उत्तिर्ण भएको नगर शिक्षा शाखा चौदण्डीगढीले जनाएको छ । शिक्षा शाखा प्रमुख रामेश्वर कुवँरका अनुसार सामुदायिक बिद्यालयतर्फ ७०.८५ र संस्थागत नीजि बिद्यालयतर्फ ९७.७१ प्रतिशत बिद्यार्थी उत्तिर्ण भएका छन् । चौदण्डीगढीमा १९ वटा सामुदायिक बिद्यालयबाट एसईईमा ६४५ जना सहभागी भएकोमा ४ सय ५७ जना उत्तिर्ण भएका छन् भने ११ वटा संस्थागत नीजि बोडिङ्ग स्कुलबाट १७५ जना सहभागी भएकोमा १७१ जना उत्तिर्ण भएका छन् । संस्थागत नीजि बिद्यालयतर्फ गत बर्षहरुमा पनि राम्रै रिजल्ट आउने गरेपनि सामुदायिक बिद्यालयहरुको रिजल्टमा भने यस पटक उल्लेख्य सुधार देखिएको बताएका छन् । नगरमा संचालित १९ वटा सामुदायिक बिद्...

उदयपुरको चौदण्डीगढी नगरपालिकामा ७४ औं नेपाल स्काउट स्थापना दिवस विभिन शैक्षिक कार्यक्रम गरेर सम्पन्न भएको छ । नेपाल स्काउट स्थानीय स्काउट कार्यालय चौदन्डिगढी नगर तदर्थ समिति को आयोजना तथा चौदन्डी नगरपालिकाको सहयोगमा वालवालिका सङ्ग मेयर कार्यक्रम विभिन्न शैक्षिक कृयाकलाप सहित सम्पन्न भएको हो । बेल्टार बजारस्थित ज्योति माध्यमिक बिद्यालयमा आज सम्पन्न भएको कार्यक्रम अन्तर्गत नगरस्तरिय अन्तर विद्यालय हाजिरी जवाफ प्रतियोगिता, चित्रकला प्रतियोगिता र निबन्ध प्रतियोगिता सन्चालन गरी विजेता विद्यार्थीहरुला नगद तथा प्रमाणपत्र सहित पुरस्कृत गरिएको थियो । कार्यक्रमलाई सम्बोधन गर्दै कोशी प्रदेश स्काउट प्रमुख आयुक्त हेमन्त भण्डारीले नगरमा स्काउटिङको माध्यमबाट वालवालिकामा शारिरिक , मानसिक अनि संबेगात्मक विकास तथा वालवालिकामा परोपकार, सहयोगी भावना, अनुशासन , नैतिकता र कर्तव्य तथा क्षमता अभिवृद्दि गर्...

उदयपुरको चौदण्डीगढी नगरपालिकाले वेपता परिवारलाई जिविकोपार्जनका लागि लौनो गाई सहयोग गरेको छ । वडा नम्बर ५ सुन्दरपुरका चित्र कुमार फुयाँलका परिवारलाई नगर उप प्रमुख मणिकादेवी दुलालले उन्नत जातको जर्सी क्रस लौनो गाई वाच्छीसहित हस्तान्तरण गरेकी छिन् । उनले हिजो मंगलवार सुन्दपुरस्थित घरमै पुगेर वेपता चित्र कुमार फुयाँलपत्नी दुर्गादेवी फुयाँललाई गाई हस्तान्तरण गरेकी थिईन् । नगर सामाजिक शाखा प्रमुख नवराज वरालका अनुसार वेपता परिवार संरक्षण सहायता शिर्षकबाट नगरपालिकाले ८० हजार रुपैयाँमा गाई खरिद गरेर जीविकोपार्जनका लागि सहयोग गरेको हो । गाईको एक बर्षसम्मको पशु विमा समेत पालिकाले नै गरिदिएको उनले बताएका छन् । वेपता पारिएका ब्यक्तिको छानविन आयोगको आर्थिक बर्ष २०८०÷०८१ को बार्षिक प्रतिवेदन अनुसार चौदण्डीगढीमा ६ जना ब्यक्तिहरु वेपता भएको जानकारी दिदै सामाजिक शाखा प्रमुख वरालले उनीहरुलाई सहयोग गर्...