Author: सन्तोष कुमार रौनियार

१८ जेठ २०८१, सन्तोष कुमार रौनियार… चौदण्डीगढी नगरपालिकाको बेल्टार बजारका ब्यापारी ब्यबसायीहरुले लामो समयदेखी नगरपालिकाले फोहर नउठाएको भन्दै पसल अगाडीको मुख्य सडकमा फोहर राखेर विरोध गरेका छन् । बेल्टार बजारको लाफा चौक, विपी चौक, ओमशान्ति चौक लगायतका स्थानमा फोहर राखेर मुख्य सडक अबरुद्ध गरेका हुन् । उनीहरुले फोहर सडकमा राखेको जानकारी प्राप्त हुनासाथ टिफर र ट्याक्टरसहित नगर प्रहरीको नेतृत्वमा सफाईकमी आएर फोहर संकलन गर्न खोजेपनि ब्यापारीहरुले नियमितरुपमा फोहर उठ्न् सुनिश्चिता नभएसम्म फोहर उठाउन नदिने भनेपनि बजारलाईनको फोहर उठन सकेन । वडा नम्बर ६ का वडा अध्यक्ष अम्बर बहादुर खड्काले साप्ताहिकरुपमा फोहर उठाउने ब्यबस्था मिलाउनका लागि प्रयास गर्ने भन्दै गरेको आग्रहलाई उनीहरुले नमानेपछि नगरपालिकाले फोहर उठाउन पठाएको टिफर र ट्याक्टरसहित सफाईकर्मी फर्किएका थिए । डम्पिङ्ग साईटको अभावमा विगत ६ मह...

१७ जेठ २०८१, सन्तोष कुमार रौनियार… चौदण्डीगढी नगरपालिकाको बेसार पकेट क्षेत्र वडा नम्बर १ गडन्तामा बेसार उद्योग संचालनमा आएको छ । सूर्यज्योति महिला बहुउदेश्यीय सहकारी संस्थाद्वारा संचालित हुने चौदण्डीगढी बेसार उद्योगको आज एक कार्यक्रमकाबीच चौदण्डीगढी नगरपालिकाकी उप मेयर मणिकादेवी दुलालले उद्घाटन गरेकी छिन् । बेसार प्रबद्र्धन कार्यक्रम अन्तर्गत चौण्डीगढी नगरपालिकाको झण्डै २ लाख ५० हजार रुपैयाँको आर्थिक सहयोग र स्थानीयको जनश्रमदानबाट उद्योग स्थापना भएको हो । बेसार उद्योग संचालनमा आएसंगै यहाँका किसान हर्षित भएका छन् । नगरपालिकामा वडा नम्बर १ चौदण्डी, वडा नम्बर २ माडिबास र वडा नम्बर ८ सिद्धिपुरलाई बेसारको पकेट क्षेत्रको रुपमा मानिन्छ । उद्योग स्थापना कार्यक्रमको उद्घाटन गर्दै उप मेयर दुलाललेउद्योग संचालन गर्नु आफैमा चुनौतीपुर्ण कार्य रहेको भनदै सामुहिक सोचकासाथ एकताबद्ध भएर कार्य गरे...

१० जेठ २०८१, सन्तोष कुमार रौनियार… २५६८ औं बुद्धजयन्ती उदयपुरको चौदण्डीगढी नगरपालिकामा पनि मनाइएको छ । नेपाल मगर संघ चौदण्डीगढी नम बुद्ध विहार संचालन समितिको आयोजनामा प्रभातफेरी सहित शान्ति स्थापनामा भगवान बुद्धको योगदानको चर्चा गर्दै बुद्धजयन्ती मनाइएको हो । बेल्टार बजारको परिक्रममा गरेर वडा नम्बर ६ स्थित स–शस्त्र क्याम्प नजिक रहेको चौदण्डीगढी नम बुद्ध विहार स्थलमा पुगेर कार्यक्रमको आयोजना गरिएको थियो । सो अवसरमा कार्यक्रमका प्रमुख अतिथी रहेका चौदण्डीगढी नगरपालिका नगर प्रमुख कालुमान लामाले बुद्धको सन्देशलाई आत्मसात गर्दै अगाडी बढ्नु पर्ने बताएका थिए । यस्तै कालिका मावी सिवार्नीका प्रधानाध्यापक राजबहादुर राना मगरले भगवान बुद्धको जीवनीमाथी प्रकाश पार्दै धर्मले खुशी दिने भएकोले त्यसको महत्व रहेको बताएका थिए । उनले भगवान बुद्धले संसारमा दुख छ, दुखको कारण पनि छ र दुखको समाधान पनि छ भ...

०९ जेठ २०८१, सन्तोष कुमार रौनियार… उदयपुरको चौदण्डीगढी नगरपालिकामा आज सम्पन्न अन्तर बिद्यालय हयाण्डवल प्रतियोगितामा ज्योति माध्यमिक बिद्यालय बेलटारले बर्चस्व कायम गरेको छ । आज वडा नम्बर ९ हडियास्थित जनता नमुना माध्यमिक बिद्यालयमा भएको महिला र पुरुष दुवै खेलमा विजेता बन्दै ज्योति माविले उपाधी जितेको हो । चौदण्डीगढी नगर युवा तथा खेलकुद विकास समितिको आयोजनामा भएको प्रतियागितामा पुरुष र महिला तर्फ ३–३ वटा बिद्यालयले सहभागिता जनाएका थिए । पुरुष र महिलातर्फ बेल्टार बजारस्थित ज्योति मावी , बसहास्थित नारद आदर्श मावी र हडिया स्थित जनता मावीको सहभागिता रहेको थियो । पुरुषतर्फ फाईनलमा ज्योति मावीले नारद आदर्श मावीलाई २ गोलका बिरुद्ध ११ गोल अन्तरले पराजित गर्दे उपाधी माथी कब्जा जमाएको छ । एकपक्षिय रहेको खेलमा नारद आदर्श मावीका खेलाडीहरु ज्योति माविका खेलाडीसामु निरिह देखिएका थिए । खेलमा ज्यो...

०७ जेठ २०८१, सन्तोष कुमार रौनियार… उदयपुरको चौदण्डीगढी नगरपालिकास्थित ब्यापारी ब्यबसायीहरुको छाता संगठन बेल्टार बसहा उद्योग बाणिज्य संघको अध्यक्षमा बेल्टार बजारका स्थानीय ब्यापारी गोविन्द थापा निर्वाचित भएका छन् । बेल्टार बजारस्थित संघको कार्यालयमा भएको चुनावबाट थापा अध्यक्षमा निर्वाचित भएका हुन् । २४१ जना मतदाता रहेकोमा २०२ मत बसेको थियो । जसमा थापाले १०८ मत प्राप्त गर्दै अध्यक्षमा निर्वाचित भएका छन् भने उनका प्रतिस्पर्धी निवर्तमान अध्यक्ष कुमार विश्वकर्माले ९३ मत प्राप्त गरेका थिए । एक मत भने बदर भएको थियो । अध्यक्षमा २ जनाको दावेदारी परेपछि आज बिहान १० बजेसम्ममा सहमतिको लागि निर्वाचन कमिटीले समय दिएकोमा सहमति हुन नसकेपछि मतदान भएको थियो । यसअघि जेठ ५ गतेको बन्द शत्रले संघको अध्यक्ष बाहेक सबै पदमा सर्वसम्मतरुपले कार्यसमिति चयन गरेको थियो । उपाध्यक्षमा उद्योगतर्फ सुरेन्द्र ल्वागुन...

०६ जेठ २०८१, सन्तोष कुमार रौनियार… उदयपुरको चौदण्डीगढी नगरपालिका वडा नम्बर ३ कुसुमचौरीमा खानेपानीको समस्या समाधान हुने भएको छ । आज चौदण्डीगढी नगरपालिकाका नगर प्रमुख कालुमान लामाले एक कार्यक्रमकाबीच कुसुमचौरी खानेपानी योजनाको शिलान्यास गरेका छन् । संघीय सरकारको अनुदानबाट बन्ने खानेपानी योजना निमार्णको जिम्मा सुन्सरीको धरानस्थित प्रिन्सा निमार्ण सेवाले पाएको छ । भ्याटसहित ४२ लाख ८४ हजार ६ सय ४२ रुपैयाँको लागतमा निमार्ण हुने योजना आगामी आषाढ १५ गते सम्ममा सम्पन्न गरिसक्नु मिति तोकिएको छ । योजना सम्पन्न भएपछि कुसुमचौरी क्षेत्रका १ सय १० घरपरिवारले स्वच्छ खानेपानीको सुविधा प्राप्त गर्ने बताईएको छ । शिलान्यास कार्यक्रमलाई सम्बोधन गर्दै नगर प्रमुख लामाले २ बर्ष अघि स्थानीय चुनावको समयमा स्थानीयको माग बमोजिम आफुले खानेपानीको समस्या समाधान गर्ने वाचा गरेअनुरुप त्यसका लागि पहल गरेको र वाच...

०३ जेठ २०८१, सन्तोष कुमार रौनियार… ३१ औं मदन आश्रित स्मृती दिवस बिभिन्न कार्यक्रम गरी उदयपुरमा मनाइएको छ । सो अवसरमा उदयपुरको चौदण्डीगढी नगरपालिकामा स्मृती सभाको आयोजना गरिएको छ । मदन भण्डारी फाउण्डेशन जिल्ला कार्य समिति उदयपुरको आयोजना र नेकपा एमाले चौदण्डीगढी नगर कमिटीको समन्वयमा बेल्टार बजारस्थित मदन चौकमा भएको कार्यक्रममा मदन भण्डारी र जिवराज आश्रितको तस्विरमा माल्यार्पन गरी मैनवत्ती बालेर दिप प्रज्वलन गरिएको थियो । एमाले उदयपुरका प्रदेश देखी वडा कमिटी स्तरका नेताहरुको बाक्लो उपस्थितीमा भएको कार्यक्रममा एमाले उदयपुरका ८ बटै पालिकाका ईन्चार्ज अम्बिका थापाले मदन भण्डारी र जिवराज आश्रितको योगदानको चर्चा गरेकी थिईन् । थापाले मदन भण्डारीले दिएको जनताको वहुदलिय जनवाद जनताको विचार भएकोले त्यसलाई लागु गरेर समाजवादको बाटोमा अघि बढ्न सकिने बताएकी थिईन् । उनले मदन चौकमा भण्डारीको शालिक...

०३ जेठ २०८१, सन्तोष कुमार रौनियार… ईलाका प्रहरी कार्यालय बेल्टारले दुई जनाको ज्यान लिने फरार टिपर चालकलाई ५ बर्षपछि पक्राउ गरेको छ । जिल्ला प्रहरी कार्यालय उदयपुरका प्रहरी नायव उपरिक्षक (डिएसपी) राजन चापागाईका अनुसार ईलाका प्रहरी कार्यालय बेल्टारबाट खटिएको प्रहरी टोलीले चितवनको भण्डारा राप्ती नगरपालिका वडा नम्बर ६ बस्ने २६ बर्षीय सरोज प्रजा चेपाङलाई सवारी दुर्घटना गरेको ५ बर्षपछि पक्राउ गरेको हो । २०७६ साल आषाढ ४ गते बिहान अन्दाजी पौने १० बजे चौदण्डीगढी नगरपालिका वडा नम्बर ७ लाटीखोलामा चेपाङले चलाएको शनिवारेबाट बेल्टारतर्फ आउदै गरेको रसुवा कन्सट्रक्शन कम्पनीको वा २ क ७०९ नम्बरको टिपरले सोही दिशातर्फ जादै गरेको चौदण्डीगढी नगरपालिका वडा नम्बर ४ बस्ने बर्ष ४७ को मोटरसाईकल चालक खगेन्द्र राई र पछाडी बस्ने बर्ष ४७ को जिवन कुमार साङपाङ राईसमेत सवार स ४ प ३६१ नम्बरको मोटरसाईकललाई ठक्कर ...

३१ बैशाख २०८१, सन्तोष कुमार रौनियार… सामाजिक सुरक्षा भत्ता प्राप्त गर्नका लागि लाभग्राहीहरुले अनिवार्यरुपमा बायोमेट्रिक भेरिफिकेशन गराउनुपर्ने भएको छ । उदयपुरको चौदण्डीगढी नगरपालिकाले आज एक सुचना जारी गर्दै राष्ट्रिय परिचय पत्र तथा पञ्जीकरण विभागले पठाएको पत्र अनुसार आगामी श्रावण १ गतेदेखी नगरपालिका भित्र सामाजिक सुरक्षा भत्ता गर्ने लाभग्राहीको नविकरण तथा नयाँ निवेदन दर्ता गर्दा राष्ट्रिय परिचय पत्रमा आधारित बायोमेट्रिक भेरिफिकेशन अनिर्वाय गरिने भएकोले बायोमेट्रिक भेरिफिकेशन गर्न आग्रह गरेको छ । साथै राष्ट्रिय परिचय पत्र बनाउन बाँकी रहेका सामाजिक सुरक्षा भत्ता गर्ने लाभग्राहीलाई जिल्ला प्रशासन कार्यालय गाईघाटमा गएर राष्ट्रिय परिचय पत्र बनाउन र यस अघिनै राष्ट्रिय परिचय पत्रका लागि नाम दर्ता गराई बायोमेट्रिक गराईसकेका लाभग्राहीहरुलाई राष्ट्रिय परिचय पत्र नम्बर प्राप्त नभएको भए राष...

३० बैशाख २०८१, सन्तोष कुमार रौनियार… उदयपुरको चौदण्डीगढी नगरपालिकाको बेल्टार बजारस्थित आधारभुत नगर अस्पताल बेल्टारमा सामान्य प्रकारका अपरेशन पनि गर्न सकिने भएको छ । केही दिन अघि मात्र अस्पतालमा विरामीको स्वास्थ्य परिक्षण गर्न अटोम्याटिक ल्याव सिस्टम जडान गरिएपछि अबदेखी सामान्य प्रकारका अपरेशन पनि गर्न सकिने अस्पतालका प्रमुख डाक्टर अमृत कर्णले जानकारी दिएका छन् । अस्पतालको सेवा प्रति आम जनतालाई विश्वास होस् एवंम धरान, विराटनगर जस्ता शहरका महंगा अस्पतालमा सामान्य प्रकारका रोगको उपचार गर्न जानको सट्टामा नगरकै अस्पतालमा त्यसअनुरुपको सेवासुबिधा रहेको जानकारी दिने उदेश्यले चौदण्डीगढी नगरपालिकाका नगर प्रमुख कालुमानले आज आफ्नो शरीरको बिभिन्न भागमा बोसो जमेर हुने गिर्खाहरु, लाईपोमा नामक रोगको अपरेशन आधारभुत अस्पताल बेल्टारमा नै गराएका छन् । नगर प्रमुख लामाको शरिरको दुबै हातको १८ स्थानमा ...