Author: सन्तोष कुमार रौनियार

१८ पुष २०८१, सन्तोष कुमार रौनियार… उदयपुरको चौदण्डीगढी नगरपालिकामा कार्यरत नगर प्रहरीहरुको क्षमता विकासका लागि नगरपालिकाले तालिमको ब्यबस्था गरेको छ । नगरपालिकाको आयोजनामा नगरमा कार्यरत नगर प्रहरीहरुको क्षमता विकास सम्बन्धी ५ दिने तालिम आजदेखी शुरु भएको हो । नगर प्रमुख कालुमान लामा, उप प्रमुख मणिकादेवी दुलाल, प्रमुख प्रशासकिय अधिकृत जीत बहादुर श्रेष्ठ, उदयपुरका प्रहरी प्रमुख प्रहरी उपरिक्षक हरिहरनाथ योगी लगायतको उपस्थितीमा बेल्टार बजारस्थित नगरपालिकाको सभा हलमा तालिमको शुरुवात गरिएको हो । तालिम शुभारम्भ कार्यक्रमलाई सम्बोधन गर्दै नगर प्रमुख लामाले नगरमा शान्ति सुरक्षाको बिषयमा कहिलेकाही असहज परिस्थिती सुजना हुनेगरेको स्मरण गर्दै तालिमले ब्यबसायिक किसिमले कार्य गर्न सहयोग पुर्याउने बिश्वास ब्यक्त गरेका छन् । नगर प्रमुख लामाले नगरको उदेश्यअनुसार कार्य गर्नलाई तालिमले क्षमता विकासमा सहयोग प...

१७ पुष २०८१, सन्तोष कुमार रौनियार… उदयपुरको चौदण्डीगढी नगरपालिकाको चालु आर्थिक बर्षको ५ महिनामा विकास निमार्णमा ८.१६ प्रतिशत खर्च भएको छ । हिजो सम्पन्न नगरपालिकाको १७ औं नगर सभा तथा हिउँदे अधिबेशनमा पुष १५ गतेसम्मको आयब्यय प्रतिबेदन प्रस्तुत गर्दै नगर उप प्रमुख मणिकादेवी दुलालले चालुतर्फ ३७.५७ प्रतिशत र पुँजीगततर्फ ८.१६ प्रतिशत खर्च भएको जानकारी दिएकी छिन् । समग्रमा आर्थिक बर्ष २०८१/०८२ को ५ महिनामा २९.५९ प्रतिशत खर्च भएको प्रतिबेदनमा उल्लेख छ । गत असार १० गते सम्पन्न नगरपालिकाको १६ औं नगर सभाबाट चालुतर्फ विनियोजित ५८ करोड १२ लाख ५० हजार ७ सय ३६ रुपैयाँमध्ये २१ करोड ५४ लाख १ हजार ७ सय ५० रुपैयाँ २२ पैसा खर्च भएको् छ भने विकास निमार्णका लागि पुँजीगततर्फ विनियोजित २१ करोड ६४ लाख ८६ हजार ७ सय ६४ रुपैयाँमध्ये १ करोड ७६ लाख ६८ हजार ९ सय ३६ रुपैयाँ ९५ पैसा मात्र खर्च भएको जनाइएको छ । ...

१५ पुष २०८१, सन्तोष कुमार रौनियार… –  शिक्षालाई साक्षरतामा मात्रै सीमित नराखी यसलाई श्रम, रोजगारी र देशभक्तिसँग जोड्नुपर्ने : उपराष्ट्रपति रामसहाय प्रसाद यादव – स्थानीय तहले राजनीतिक आग्रह पुर्वाग्रह राखेर कार्य गरेकोले शिक्षालाई स्थानीय तहमा राख्ने कि नराख्ने भन्नेमा दुबिधा भएको : संघीय सांसद डा. नारायण खड्का – तीनै तहको सरकारकोबिचमा राम्रो कोअर्डिनेशन हुन नसकेको महसुस गरेकाले त्यसलाई कोअर्डिनेशन गरेर अगाडी बढ्न्पर्नेमा जोड: नगर प्रमुख कालुमान लामा उपराष्ट्रपति रामसहाय प्रसाद यादवले उदयपुरको चौदण्डीगढी नगरपालिका वडा नम्बर ८ सावाँ सिद्धिपुरस्थित सरस्वती माविमा निर्मित स्वर्ण जयन्ती स्तम्भको अनाबरण गरेका छन् । बिद्यालयको स्थापना भएको ५० बर्ष पुगेको अवसरमा बिद्यालय हातामा निर्मित स्वर्ण जयन्ती स्तम्भको आज अनाबरण गर्दै उपराष्ट्रपति यादवले शिक्षालाई साक्षरतामा मात्रै सीमित नराख...

१३  पुष २०८१, सन्तोष कुमार रौनियार… राजनीति सबैले गर्नु आबश्यक नभएपनि राजनीतिक चेतना भने सबैमा हुनुपर्नेः नगर प्रमुख कालुमान लामा उदयपुरको चौदण्डीगढी नगरपालिकामा २ दिने युवा संसद अभ्यास कार्यक्रम आज सम्पन्न भएको छ । चौदण्डीगढी नगरपालिकाको आर्थिक सहयोगमा टिम जेरो प्रोडक्सनले आयोजना गरेको कार्यक्रममा बिभिन्न बिद्यालयका कक्षा ११ र १२ का करिव ४० जना युवा बिद्यार्थीहरुलाई संसदीय गतिबिधीका बारेमा जानकारी गराइएको थियो । आयोजक संस्थाका अध्यक्ष आदिप राउतका अनुसार कार्यक्रममा चौदण्डीगढी नगरपालिकाको वडा नम्बर ४ को नारद आदर्श मावि, वडा नम्बर ६ को ज्योति मावी र वडा नम्बर ९ को जनता माविका ४० जना बिद्यार्थीहरु सहभागी थिए । उनीहरुलाई संसदीय गतिबिधीका बारेमा ज्ञान दिने उदेश्यले कार्यक्रम आयोजना गरिएको राउतले बताएका छन् । कार्यक्रममा सहभागी बिद्यार्थीहरुलाई सत्ता पक्ष, विपक्षमा विभाजन गरेर स...

१२ पुष २०८१, सन्तोष कुमार रौनियार… उदयपुरको चौदण्डीगढी नगरपालिकामा आज थप १४ जना नेकपा एमालेमा प्रबेश गरेका छन् । एमाले चौदण्डीगढी वडा नम्बर ३ वडा कमिटिद्वारा रमाईलो डाँडास्थित दलित भवनमा आयोजित पार्टी प्रवेश कार्यक्रममा माओवादी केन्द्र परित्याग गरि ११ जना र नेपाली काङ्ग्रेस परित्याग गरि ३ जनाले एमालेमा प्रबेश गरेका छन्। उनीहरुलाई एमाले उदयपुरका जिल्ला उपाध्यक्ष तथा चौदण्डीगढी नगरपालिकाका नगर प्रमुख कालुमान लामा,जिल्ला सचिवालय सदस्य प्रकाश राउत, जिल्ला सदस्य भिम परियार, एमाले चौदण्डीगढी अध्यक्ष विकास बन्जरा, उपाध्यक्ष लुंगराज राई लगायतले टिका तथा खादा लगाएर पार्टी प्रबेश गराएका थिए । पार्टी प्रबेश कार्यक्रमलाई सम्बोधन गर्दै जिल्ला उपाध्यक्ष लामाले पार्टी प्रबेश गरेकाहरुलाई पार्टीमा उचित स्थान दिने आश्वासन दिएका थिए । उनले चौदण्डीगढी नगर सरकारले गरेको जनहितका कार्यहरुलाई देखेर नगरब...

११ पुष २०८१, सन्तोष कुमार रौनियार… चौदण्डीगढी नगरपालिकाले आर्थिक बर्ष २०८१/८२ को पहिलो चौमासिक अवधिको सार्वजनिक सुनुवाई सम्पन्न गरेको छ ।बेल्टार बजारस्थित नगरपालिकाको सभाहलमा नगर प्रमुख कालुमान लामा, नगर उप प्रमुख मणिकादेवी दुलाल, प्रमुख प्रशासकिय अधिकृत जीत बहादुर श्रेष्ठ, बिभिन्न वडाका वडा अध्यक्षहरु, कर्मचारी, स्थानीयबासी लगायतको उपस्थितीमा पहिलो चौमासिक अवधिको सार्वजनिक सुनुवाई सम्पन्न भएको हो । त्रियुगा मिडिया एजेन्सीको सहजीकरणमा भएको सार्वजनिक सुनुवाईमा नगरपालिकाले प्रवाह गर्ने सेवा सुबिधाको वारेमा सेवाग्राहीले राखेका धारणाहरुलाई समेटेर तयार गरिएको रिपोर्ट प्रस्तुत गरिएको थियो भने नगरपालिकाको कार्यबारे प्रत्यक्ष छलफल समेत भएको थियो । सेवाग्राहीहरुले वडाहरुमा ज्येष्ट नागरिकहरुको बायोमेट्रिक परिचय पत्र दर्ता गर्दा औलाको छाप नलिएको फिंगर प्रिन्टको समस्या, ऐलानी जग्गा नापचाँच,...

०८ पुष २०८१, सन्तोष कुमार रौनियार… राष्ट्रिय युवा संघ नेपाल चौदण्डीगढी नगरपालिका वडा नम्बर ६ को वडा कमिटी सर्वसम्मत चयन भएको छ । राष्ट्रिय युवा संघ नेपालका केन्द्रिय कोषाध्यक्ष राकेश राईको प्रमुख आतिथ्यतामा हिजो आईतवार केचुवामा सम्पन्न तेस्रो वडा अधिवेशनले ३१ सदस्य वडा कमिटी सर्वसम्मत चयन गरेको हो । युवा संघ वडा कमिटीको अध्यक्षमा हेमन्त यादव, उपाध्यक्षमा मौसम परियार, सचिवमा निदिन विश्वकर्मा, सह–सचिवमा सपना लुवागुन त्यस्तै कोषाध्यक्ष रिता मगर श्रेष्ठ, युथ फोर्स प्रमुखमा मनिस श्रेष्ठ र साईबर सर्कल प्रमुखमा सम्झना बिक चयन भएको राष्ट्रिय युवा संघ उदयपुरका सचिव अनुपराज खत्रीले जानकारी दिएका छन् । कार्यक्रममा एमाले उदयपुर जिल्ला कमिटी सदस्य भिम परियार, राष्ट्रिय युवा संघका चौदण्डीगढी नगर कमिटी अध्यक्ष भुवन राई लगायतको उपस्थिती रहेको थियो । ...

०८ पुष २०८१, सन्तोष कुमार रौनियार… चौदण्डीगढी नगरपालिकाको बेल्टार बजारमा गणतान्त्रिक स्मृति प्रतिष्ठान भवन निमार्ण हुने भएको छ । कोशी प्रदेशका सांसदद्वय राजन किराती र सम्झना तामाङले संयुक्तरुपमा आज सोमबार बिहान बेल्टार बजारमा भवनको शिलान्यास गरेका छन् । नेकपा माओवादी केन्द्रका चौदण्डीगढी नगर सचिव कुमार राईले भवन निमार्ण पश्चात भवनमा बिभिन्न किसिमका तालिम , जनचेतनामुलक कार्यक्रम तथा सामाजिक कार्य गरिने बताएका छन् । कोशी प्रदेश भौतिक पूर्वाधार विकास मन्त्रालयको २५ लाख रुपैयाँको बजेटबाट भवन निमार्णको काम शुरु गरिने र भवन सम्पन्न गर्न थप रकम प्राप्त हुने आश्वासन प्राप्त भएको राईले बताएका छन् । भवन निमार्णका लागि ११ धुर जग्गा माहोवादीका पुर्व नेता तथा वडा नम्बर ७ का वडा अध्यक्ष केशव अधिकारीले उपलब्ध गराएका छन् ।...

०८ पुष २०८१, सन्तोष कुमार रौनियार… चौदण्डीगढी नगरपालिकाको वडा नम्बर ६ सातधारेस्थित ज्योति जनता बहुमुखी क्याम्पसमा एक लाख अमेरिकी डलरको क्यान्टीन बन्ने भएको छ । चौदण्डीगढी नगरपालिका र लायन्स क्लब ईन्टरनेशनल डिष्ट्रिक्ट ३२५ एफ नेपाल र ज्योति जनता बहुमुखी क्याम्पसबीच आज बेल्टार बजारस्थित नगरपालिकामा त्रिपक्षिय सम्झौता भएको छ । नगरपालिकामा भएको त्रिपक्षिय सम्झौतामा नगरपालिकाको तर्फबाट नगर प्रमुख कालुमान लामा, लायन्स क्लब ईन्टरनेशनल डिष्ट्रिक्ट ३२५ एफका गभर्नर शंकर कुमार सारदा र ज्योति जनता बहुमुखी क्याम्पसका क्याम्पस चिफ मनोज कुमार झाले हस्ताक्षर गरेका छन् । लायन्स क्लबको १ करोड ६ लाख ६ हजार ६ सय ६ रुपैयाँ र चौदण्डीगढी नगरपालिकाको ३५ लाख ३५ हजार ५ सय ३५ रुपैयाँ गरी कुल लागत १ करोड ४१ लाख ४२ हजार १ सय ४१ रुपैयाँको लागत साझेदारीमा क्यान्टीन निर्माण हुने जनाइएको छ । योजनाका लागि लायन्स...

०५ पुष २०८१, सन्तोष कुमार रौनियार… उदयपुरको चौदण्डीगढी नगरपालिकाले सामुदायिक बिद्यालयमा नीजिश्रोतका नाममा कम तलवमा कार्यरत शिक्षकहरुलाई न्युन्तम पारिश्रमिक दिलाउने प्रतिबद्धता ब्यक्त गरेको छ । बेल्टार बजारस्थित नगरपालिकाको सभाहलमा नगर शिक्षा शाखाले आज शुक्रवार आयोजना गरेको पत्रकार सम्मेलनमा प्रमुख प्रशासकिय अधिकृत जीतबहादुर श्रेष्ठले सरकारी सामुदायिक बिद्यालयमा नीजि श्रोतको शिक्षकको पारिश्रमिक विषयमा नगरपालिकाको ध्यान नपुगेको स्वीकार गर्दै उनीहरुलाई न्युन्तम पारिश्रमिक दिने प्रतिबद्धता ब्यक्त गरेका छन् । रेडियो चौदण्डीगढीले सामुदायिक बिद्यालयमा नीजिश्रोत शिक्षकको नाममा ५–६ हजार रुपैयाँमा काममा लगाईरहेको बिषय उठाएको थियो । सोही बिषयलाई सम्बोधन गर्दै प्रमुख प्रशासकिय अधिकृत श्रेष्ठले श्रम शोषण कसैले पनि गर्न नहुने बताउदै सामुदायिक बिद्यालयमा नीजिश्रोतमा कार्यरत शिक्षकहरुलाई पनि न्युन्...