चौदण्डीगढी नगरपालिकाको नगर युवा तथा खेलकुद बिकास समितिले २४ सदस्य नगर फुटवल टिमको छनौट गरेको छ । समितिका सचिव अनपराज खत्रीले दिएको जानकारी अनुसार अघिल्लो महिना पुष २ गतेदेखी १० गतेसम्म शहिद रामप्रसाद राई रंगशाला बेल्टारमा भएको चौथो मेयर कप प्रतियोगितामा राम्रो प्रदर्शन गरेका खेलाडीहरुलाई छनौट गरी फुटवल टिमको घोषणा गरिएको बताएका छन् । नगर युवा तथा खेलकुद बिकास समितिले छनौट गरेको खेलाडीहरुमा रोहन राई, रितेश तामाङ्ग, प्रदिप कार्की, केवल तामाङ्ग, निश्चल राई, नवल तामाङ्ग, नर्वु तामाङ्ग, केशव कार्की, अनिस राई, बिशाल राई, बसन्त राई , बिश्वास राई, सत्यश्वर राई, कविराज खड्का, जयन सिंह, विवेक खड्का, विनोद केशी, अनुप मगर, संगम मगर, युवराज परियार, लोकचन्द्र राई, सनम राई, निखिल राई र अनिस बस्नेत रहेका छन् । छनौटमा पर्ने खेलाडीहरुलाई माघ १२ गतेदेखी नारदमुनी थुलुङ्ग रंगशालामा हुने प्रशिक्षणमा सहभागी हुन पनि खत्रीले आग्रह गरेका छन् भने प्रशिक्षण र अन्य जानकारीका लागि नगर फुटवल प्रशिक्षक जस बहादुर राई र नगर खेलकुद सदस्य केशव राईलाई सम्पर्क गर्न पनि आग्रह गरिएको छ । पुष महिनामा भएको चौथो मयेर कप फुटवल प्रतियोगितामा वडा न्म्बर १ बाहेक बाँकी ९ वटा वडाका खेलाडीहरु सहभागी थिए भने फाईनल खेलमा वडा नम्बर १० हडियालाई ३–१ गोल अन्तरले पराजित गर्दे वडा नम्बर ४ बसहाले उपाधी जितेको थियो ।
